Description

കേരള ചരിത്രത്തിലെ ഏറ്റവും വലിയ പ്രകൃതി ദുരന്തത്തിന് സാക്ഷിയായ വയനാടിന്റെ പാരിസ്ഥിതിക ചരിത്രം അന്വേഷിക്കുന്ന പുസ്തകം. വയനാട്ടിലെ മാത്രമല്ല, സംസ്ഥാനത്തിലെ ഉരുൾപൊട്ടലുകൾക്ക് സമീപകാല മനുഷ്യ ഇടപെടലുകൾക്കൊപ്പം ചരിത്രപരമായ കാരണങ്ങൾ കൂടിയുണ്ട്. പരിസ്ഥിതി വിഭവങ്ങൾ, സാമൂഹിക ഘടനകൾ, പ്രാദേശിക സമൂഹങ്ങൾ, കാർഷികരീതികൾ തുടങ്ങിയവയുടെ വികാസത്തിൽ കൊളോണിയൽ കാലഘട്ടത്തിന്റെ ആഴത്തിലുള്ള സ്വാധീനമുണ്ട്. കൊളോണിയൽ ഭരണവും അതിനെതിരെയുള്ള ചെറുത്തുനിൽപ്പുകളുമാണ് വയനാടിന്റെ പിൽക്കാല ഭൂപ്രകൃതിയെ രൂപപ്പെടുത്തിയത്. ചൂരൽമല, മുണ്ടകൈ ദുരന്തത്തിലേക്കു എത്തി നിൽക്കുന്ന പരിസ്ഥിതി നാശത്തിന്റെ ചരിത്രപരമായ കാരണങ്ങളെ കണ്ടെത്തുകയാണ് ചരിത്രകാരനായ ഷുമൈസ് യു.