Description

ശബരിമലയിലെ മൂർത്തി ആരാണ്? ഏതു മൂർത്തീഭാവമാണ് ശബരിമലയിൽ ആരാധിക്കപ്പെടുന്നത്? ആ മൂർത്തിയെ ആരാധിച്ചിരുന്നവർ ആരാണ്? ഏതു വിധാനത്തിൽ ആണ് പൂജാദി കാര്യങ്ങൾ നടന്നിരുന്നത്? എന്ത് സമ്പ്രദായത്തിൽ ആണ് ആ സങ്കേതം നിലനിന്നത്? എന്നു തുടങ്ങി ഇന്നും നിലയ്ക്കാത്ത വിവാദങ്ങൾക്കു സ്രോതസ്സായി നിലകൊള്ളുന്ന ചോദ്യങ്ങളെ ചരിത്രപരമായി അഭിമുഖീകരിക്കുന്ന പുസ്തകം. ശബരി മലയിലെ മൂർത്തി മറ്റാരുമല്ല സാക്ഷാൽ കുട്ടിച്ചാത്തൻ എന്ന പുകൾപെറ്റ ചാത്തനാണെന്ന് ചരിത്രത്തിന്റെയും പുരാവൃത്തങ്ങളുടെയും പിൻബലത്തോടെ ഈ പുസ്തകം സമർത്ഥിക്കുന്നു. ശബരിമലയെക്കുറിച്ചുള്ള ചർച്ചകൾക്ക് പുതിയ വഴിത്തിരിവ് സൃഷ്ടിക്കുന്ന കൃതി.