Description

എം.ടിയും വി.കെ.എന്നും ഇ. ശ്രീധരനും ഒടുവിൽ ഉണ്ണികൃഷ്ണനും മോഹൻലാലും ശ്രീനിവാസനും ഡോ.ബാലകൃഷ്ണനും സത്യനും മധുവും മഞ്ജു വാരിയരും ഷീലയും നയൻതാരയും ഈ ഓർമക്കുറിപ്പുകളിൽ സവിശേഷഭംഗികളോടെ, മധുരമുള്ള നർമമായി വിടർന്നു തെളിയുന്നു. അന്തിക്കാട് ഗ്രാമവും പഴയ മദിരാശി പട്ടണവും ഒറ്റപ്പാലവും കുടജാദ്രിയും ദേശമായും ജീവിതമായും ഗൃഹാതുരതയായും നിറയുന്നു. മലയാളത്തിലെ ഏറ്റവും ജനകീയനായ സംവിധായകന്റെ ഓർമക്കുറിപ്പുകളുടെ ഈ സമാഹാരം അടിതെളിഞ്ഞ ഭാഷകൊണ്ട് പലപ്പോഴും സിനിമാദ്യശ്യങ്ങളെ മറികടക്കുന്നു. സ്‌നേഹത്തിന്റെ തെളിനീർധാരയിൽക്കുളിച്ച അനുഭവം സമ്മാനിക്കുന്ന വേറിട്ട വായനാനുഭവമാണ് ഈ പുസ്തകം.