Pranayappadam By Abbas K M Pravada Books പ്രണയത്തിന് ചിലപ്പോൾ മണ്ണിന്റെ ഗന്ധമാണ്. ആ ഗന്ധം നെഞ്ചിലേറ്റി ജീവിച്ചവനാണ് ഷാഹിദ്. ആ ഗന്ധത്തെ ജീവിതമാക്കി മാറ്റിയവളാണ് ഗൗരി. കാലം മനുഷ്യരെ മാറ്റിയപ്പോൾ പോലും, മണ്ണിനെ കൈവിടാൻ അവർ പഠിച്ചില്ല; കാരണം അവരുടെ പ്രണയത്തിന്റെ വേരുകൾ ഒരേ സമയം ഭൂമിയിലും ഇരുവരുടെയും ആത്മാവിലുമായിരുന്നു. ആർത്തിയുടെ ഇരുമ്പുകൈകൾ പച്ചപ്പിനെ ശ്വാസംമുട്ടിക്കാൻ തുടങ്ങിയപ്പോൾ, ഒരു മനുഷ്യന്റെ സ്നേഹവും ആത്മാഭിമാനവും എത്രത്തോളം ചെറുത്തുനിൽക്കുമെന്ന ചോദ്യമായി ഈ കഥ വളരുന്നു. വിയർപ്പിന്റെ ഉപ്പും കണ്ണീരിന്റെ നനവും പ്രണയത്തിന്റെ നിശ്ശബ്ദതയും ചേർത്ത് ജീവിതം എഴുതിയ രണ്ട് ഹൃദയങ്ങളുടെ അപൂർവ യാത്രയാണിത്.